يستحيل السرعه دى فى الاكتشافات ....بجد حاجه تشل

طلاء جديد قادر على إنتاج الطاقة الكهربائية من الشمس..

تمكن باحثون من جامعة "نوتردام" الأمريكية من ابتكار طلاء جديد قادر على إنتاج الطاقة الكهربائية من أشعة الشمس، ليحل بذلك محل الخلايا الشمسية التقليدية.

وأشار البيان الصحفى الصادر عن جامعة "نوتردام" إلى أن الطلاء الشمسي يشكل تغييراً ثورياً في مفهوم الخلايا الشمسية، بحيث يسهل دهان جدران المنازل من الخارج بالطلاء الشمسي الجديد لتغذي الأجهزة والمعدات داخل المنزل بالكهرباء.

وقد تمكن الباحثون من الإستفادة بجسيمات "النانو" الشبه موصلة والمعروفة بـ "نقاط الكم" لتولد الكهرباء نتيجة إمتصاصها لأشعة الشمس الضوئية، حيث إن الجسيمات النانوية تكون ممزوجة مع الأصباغ التقليدية لتعطي في النهاية الشكل المعروف للطلاء.

كما يمكن إستخدامه على أى سطح موصل، فقط بطبقة واحدة من الطلاء لإنتاج الكهرباء ولا يتطلب معدات خاصة لدهانه على الأسطح.

ونجح الباحثون في توليد الكهرباء بتعريض الطلاء لمصدر ضوئي، حيث بلغت كفاءة تحويل الضوء إلى كهرباء بنحو 1% و هى تقل عن الكفاءة المعتادة التى تنتجها الخلايا الشمسية المعروفة والتي تبلغ قيمتها نحو 10-15 %.

ومن جانبه، أكد البروفيسور براشانت كامات رئيس الفريق البحثي، أن الطلاء الشمسي يتفوق على الخلايا الشمسية من الناحية الإقتصادية، إذ يتميز بثمن رخيص مقارنة باللوحات الشمسية التي تعتبر أحد الحلول المقترحة لأزمة الطاقة المرتقبة ولكن سعرها يمثل العقبة التي تحد من إنتشارها.

ويأمل كامات أن يتمكن من رفع كفاءة الطلاء الشمسي ليتوافق مع متطلبات الطاقة في المستقبل.

عسى ان تكرهو شئيا وهو خير لكم ..... والله كل اللى بيحصل فى مصر خير

http://www.youtube.com/watch?feature=player_embedded&v=-Oe64MbIW70

رباعيات الخيام

http://www.khayma.com/dlone/QQQ.htm

ثوره ثوره حتى النصر .... ثوره فى كل شوارع مصر

http://www.youtube.com/watch?v=TelVqHykL7M

فى ناس بتقول ليه هننزل فى يوم 27-5

الاجابه  

شوف كده ده 

ولا ده

و لا ده 

طيب شوف ده كمان كده

طيب ايه  

عاوز واحد من اللى بيقولو  مش هاننزل  يقولى حاجه واحده بس  اتحققت  من مطالب الثوره 

طيب انت عارف احنا نازلين ليه  .؟؟

طيب لو مش عارف  نقول تانى  يمكن  تعرف  وتفهم وتقدر

شوف بقى يا سيدى  احنا نازلين عشان  الاتى  :

هو حدوته  صغيره  كده بس مهم اقولها

 

المجلس العسكرى والخطايا العشر

قبل أن أتناول علاقة المجلس العسكرى بالثورة .. أود أن أوضح الإصطلاحات التى سترد فى نص التدوينة :


المجلس العسكرى : هو المجلس المكون من قادة الأسلحة والإدارات بفروع القوات المسلحة المصرية والذين تولوا مسئولية إدارة البلاد بموجب تفويض الرئيس السابق مبارك بعد قيام الثورة فى الجمعة 11 فبراير 2011


الجيش : هو مجموعة الأفراد والضباط المكونين لقوة العمل بالقوات المسلحة المصرية والذين يعملون حسبما يصدر إليهم من تعليمات من قادتهم الذين تتفاوت درجاتهم وصولاً إلى أعضاء المجلس العسكرى


الثوار : هم من نزلوا يوم 25 يناير ، ومن تبعهم فى الموجة الأولى للثورة يوم 28 يناير والذى سقط فيه أكبر عدد من الشهداء فى محافظات مصر بالإضافة لمن إعتصموا بميدان التحرير وغيره من ميادين مصر

بدأت علاقة المجلس العسكرى الفعلية بالثورة منذ ليل يوم 28 يناير 2011 حينما نزلت قوات الجيش بعد أن إستبقتها وحدات من الحرس الجمهورى التى كانت مهمتها إمداد رجال الشرطة بمزيد من وسائل القمع للتعامل مع ما إعتقد النظام آنذاك موجة إحتجاجات شعبية من اليسير إحتواءها


ومنذ هذا التاريخ توالت الخطايا التى وقع فيها المجلس العسكرى


الخطيئة الأولى : عدم وجود دور للمجلس العسكرى فى صنع القرار قبل الثورة
ويكفى للتدليل على ذلك عدم الإعتراض على مخطط التوريث على الرغم مما قيل بعد ذلك أن الجيش كان يقاوم التوريث لكن الشواهد فى السنوات العشر الأواخر تؤكد عكس ما يقال ، كما أن قرار خطير مثل قرار قطع خدمات الإتصال عن بلد بحجم مصر مر مرور الكرام دون أدنى إعتبار لأى رد فعل للمجلس العسكرى .. إذا كان هناك رد فعل من الأساس


الخطيئة الثانية : عدم الإنحياز للثورة فى أول أيامها
حيث لم يقدر السادة أعضاء المجلس العسكرى الأمور بشكل صحيح وكان الإتجاه العام حسب التحليل المنطقى للتحركات على الأرض هو الحفاظ على نظام الحكم ومساعدة الشرطة فى فض الإحتجاجات الشعبية كما رأها مبارك .. القائد الأعلى للمجلس العسكرى آنذاك .. وطبقاً لما هو مخطط كان المفترض أن تنتهى الإحتجاجات بنزول قوات الجيش كدعم لقوات الشرطة .. إلا أن إنسحاب الشرطة المفاجئ والكامل أربك المخططون وأثر على خطة العمل ، وترك الأمر للجيش فإنعقد مجلس الحرب وأذيعت صور من غرفة العمليات التى ضمت الرئيس السابق ونائبه والمشير حسين طنطاوى القائد العام للقوات المسلحة ، والفريق سامى عنان رئيس أركان القوات المسلحة كما يظهر فى هذا الفيديو

الخطيئة الثالثة : معركة الجمل

                        حينما أمر المجلس العسكرى جنوده المتواجدين فى ميدان التحرير بعدم التعرض لمظاهرات ما قيل أنهم من مؤيدى الرئيس السابق ، لتتم مواجهة شعبية بين مؤيدين ومعارضين ، حفاظاً على صورة المجلس العسكرى أمام الجميع إذا ما فشلت المحاولة أو نجحت ، لكن ما جرى يؤكد أن هذا دور مرسوم فى خطة كاملة تم إقرارها والموافقة عليها كمحاولة غير مباشرة بدعم المجلس العسكرى إستناداً للحياد السلبى بالنسبة لمعتصمى التحرير ، والإيجابى بالنسبة للقادمين من خارج التحرير ،

لكن يظل بالجيش المصرى رجال كأسد التحرير ماجد بولس الذى تكفل بصد القادمين على ظهور الجمال والحمير من مدخل شارع طلعت حرب رافضاً الإكتفاء بالجلوس فى مدرعته وإيثار السلامة تنفيذاً للأوامر التى صدرت له مثل زملاءه فى باقى مداخل ميدان التحرير

شاهد / ماجد بولس .. أسد التحرير

الخطيئة الرابعة : محاولة إخلاء الميدان بالقوة

                        بفضل الله وحده ثم بمجهود الثوار الأحرار ممن إعتصموا بميدان التحرير فشلت محاولة فض الإعتصام بطريقة الإلتحام الشعبى بين مؤيدين ومعارضين حسبما جرى يوم معركة الجمل ، فكان أن صدرت قرارات من المجلس العسكرى بتحريك مجنزرات إلى داخل الميدان كمحاولة أخرى لفض الإعتصام ، وحينما تسربت هذه الأخبار للمعتصمين ، قرروا المبادرة بالنوم تحت عجلات الدبابات والمدرعات كنوع من الضغط على الجنود والأفراد المتواجدين فى الميدان وإعلامهم أنهم يفضلون الموت تحت عجلات معداتهم التى يمولونها من جيوبهم عن أن يفض إعتصامهم قبل تحقيق مطالبهم

الخطيئة الخامسة : الإبقاء على حكومة شفيق

                        بعد التنحى حارب المجلس العسكرى كثيراً فيما إعتبره معركة كرامة بينه وبين الثوار للإبقاء على حكومة الفريق شفيق التى عينها وإختارها بأكملها الرئيس السابق ، وظل يقاوم إعتراضات النشطاء على تشكيل هذه الحكومة التى غلب عليها إختيارات الحزب الوطنى الفاشل فى إدارة مصر وبالأخص أمانة السياسات – حتى تصاعدت إعتراضات النشطاء درجة فأخرى وكان أخر عهد شفيق بكرسى الوزارة اللقاء التلفزيونى الذى جمعه بالأديب علاء الأسوانى والإعلامى حمدى قنديل فى لقاء بصحبة الإعلامى الشريف يسرى فودة وريم ماجد وبمشاركة رئيس القناة رجل الأعمال نجيب ساويرس ، وبعد رحيل شفيق وتعيين شرف لم يتم تغيير تركيبة التشكيل الوزارى فى مجملها إلا فى حقيبتين إحداهما حقيبة الخارجية وتولاها نبيل العربى والأخرى حقيبة الداخلية وتولاها منصور عيسوى

الخطيئة السادسة : عدم الإعتراف بالشرعية الثورية

                        وتجلى ذلك فى الترقيع الدستورى الذى تم على الدستور الساقط بحكم ثورة 25 يناير بتعديل تضمن ثمان مواد .. منها مادة تلغى والسبع الباقية تقر كما هى ، وإستهلك الدولة المصرية جزءاً من إقتصادها المنهك بعد الثورة فى إقتراع تم إستخدام سلاح الدين للترويج لفكرة التصويت بالموافقة وتمرير التعديلات برعاية جماعة الإخوان المسلمين التى تجلى تحالفها مع المجلس بعد إعلان تشكيلة لجنة ما سمى بتعديل الدستور بصبغتها الإسلامية وصلت حتى ضم – محامى – من الإخوان المسلمين إرضاءاً للجماعة وضمان وقوفها فى صف المجلس العسكرى حال الإستفتاء وبعده ، وأدى هذا الإستفتاء لإنقسام حاد بين المصوتين بـ ( نعم ) والمصوتين بـ ( لا ) تطورت فيها لغة الحوار إلى مستوى أكثر من خطير حين تدخلت المنابر فى المساجد والكنائس لحث الشعب للتصويت بما يراه من يعتلى المنبر .. بل وصورت التعديلات على أنها إستفتاء على هوية مصر الإسلامية بشكل غير صحيح وغير حقيقى ومغالط وينم عن رائحة فاسدة تشتم من العلاقة المحرمة بين المجلس والجماعة

 الخطيئة السابعة : تناقض المجلس مع نفسه

                        فبعد إقرار التعديلات بالأغلبية الموجهة ، تأخر إقرار الإعلان الدستورى لمدة جاوزت العشرة أيام حتى فوجئنا بإعلان دستورى مكون من 63 مادة طبقاً لما نشر فى الصحف بزيادة 56 مادة لم يستفت الشعب المصرى عن أيٍ منها وهو ما يعد إلتفاف على الشعب بطائفتيه الذين قالوا نعم والذين قالوا لا ، وهذا ما يعد تناقض غير مفسر إلا بتفسيرين لا ثالث لهما .

التفسير الأول : بإفتراض حسن النية : أن المشرف على إقتراح تلك التعديلات لم ينتبه إلى أن صلاحيات المجلس العسكرى لن تكون دستورية حسبما تم إقراره من مواد تم الإستفتاء عليها ويعضد هذا التفسير طول المدة التى تم فيها إدراج المواد الأخرى التى أدخلت على الإعلان الدستورى الجديد بعد الإستفتاء

التفسير الثانى : بإفتراض سوء النية : أن ما جرى قد جرى طبقاً لخطة موضوعة مسبقاً تم فيها ذكر المواد التى يمكن من خلالها نيل الإجماع اللازم لتمريرها من جانب الإخوان المسلمين والمتحالفين معها ، وإستبعاد المواد الأخرى التى من شأنها تأليب الرأى العام وتعبئته للتصويت برفض التعديلات

وتستوى الخطيئة فى التفسيرين ولعلنا نرى أن المجلس يتمادى فى تصديق نفسه وإلباس ثوب الحق لما هو باطل حينما يدعى أن الإستفتاء قد تم على حكم المجلس العسكرى متجاهلاً أن المواد التى أدرجت بعد الإستفتاء هى التى تعطى المجلس الشرعية الموهومة كما يراها منظره القانونى وباقى أعضاءه ويتناسون أن هناك ثوار متيقظين لكل ما يجرى ويرصدون تلك الخطايا بعين الثورة المحايدة

الخطيئة الثامنة : قانون تجريم الإعتصامات

                        بعد ظهور الإعلان الدستورى وإدراج مواد تعطى المجلس العسكرى سلطات وصلاحيات رئيس الجمهورية ، كان أول قانون يُقر بشكل سرى مثير لكل معانى الشك والريبة سواء فى محتواه أو فى طريقة تمريره ويا للعجب قانون يجرم الأساس الذى قامت عليه ثورة 25 يناير وهو قانون تجريم التظاهر والإعتصام

والذى لاقى إعتراضاً كبيراً لم يلاقى أى إهتمام من المجلس العسكرى أو الحكومة التى من المفترض أن رئيسها قادم من ميدان التحرير على أكتاف الثوار

سياسيون وقيادات عمالية ينتقدون تمرير قانون تجريم الاعتصامات سرا.. و يؤكدون: سنكسره

تغيير إسم قانون تجريم الاعتصامات إلى”تجريم الإعتداء على حرية العمل”..والاتحاد الدولي للنقابات:القانون خيانة للثورة

الخطيئة التاسعة :  قانون الأحزاب الجديد

                        بعد الكارثة الأولى التى تمثلت فى قانون تجريم الإعتصامات ، كانت الصدمة الثانية فى صدور قانون الأحزاب بصورة منفردة بقرار فوقى من المجلس العسكرى تم إقرارها تحت مسمىتعديلات قانون الأحزاب  تضمن وقف الدعم المقدم للأحزاب وما إرتأه المجلس تيسيراً على الراغبين فى إنشاء أحزاب لكنه تضمن شروط مجحفة مثل شرط الإعلان عن الحزب الجديد فى جريدتين واسعتى الإنتشار وهو ما قد لا يتوافر لكثير من المصريين الراغبين فى الإنخراط فى الحياة السياسية ومثل هذا الشرط وحده ترسيخاً لسيطرة رأس المال والمؤسسات المالية الأكثر تنظيماً على الحياة الحزبية وهذا ما نراه بأعيننا الأن

الخطيئة العاشرة : قانون مباشرة الحقوق السياسية

                        وتأتى ثالثة الأثافى ممثلة فى قانون مباشرة الحقوق السياسية المنظم لعمليات الإنتخاب سواء للمصريين بالداخل أو بالخارج والذى صدر كذلك بصورة منفردة وبقرار فوقى من المجلس العسكرى كما جرى فى كل القوانين التى أقرت بموجب التعديلات الدستورية الموجهة والإعلان الدستورى منقوص الشرعية ذى الثلاث وستين مادة ، وقد تضمن هذا القانون بعض النصوص المبهمة والغير واضحة ومنها على سبيل المثال : النص على إعتبار القنصليات المصرية بالخارج بمثابة الموطن الإنتخابى للمصريين المقيمين خارج مصر فى حين أن التصويت سيتم بالرقم القومى .. !!!!!!!!!!!

وأكدت المادة (31) على أن الاجتماعات الانتخابية حرة، ولا يجوز فرض أى قيود عليها، فيما عدا شرط الإخطار قبل عقد الاجتماع الانتخابى أو التظاهرة الانتخابية بأربعة وعشرين ساعة على الأقل إلى مدير الأمن ومأمور القسم أو المركز الذى سينعقد به الاجتماع.

وهو قيد غير مبرر ويتعارض مع ما تم النص عليه فى الإعلان الدستورى الصادر عن المجلس بقرار فوقى أيضاً و الذى ينص فى المادة 16 ( للمواطنين حق الاجتماع الخاص في هدوء غير حاملين سلاحاً، ودون حاجة إلى إخطار سابق. ولا يجوز لرجال الأمن حضور اجتماعاتهم الخاصة، والاجتماعات العامة والمواكب والتجمعات مباحة في حدود القانون ) وأترك لكم التعليق

وإستناداً لما سبق ذكره من أمثلة لما أعتبره خطايا للمجلس العسكرى فى الفترة الماضية أعتقد أن الحكم الموضوعى لأسلوب إدارة المجلس العسكرى للمرحلة الإنتقالية لا يخلو من تخبط وسوء إدارة للأمور وتسلط وتجاهل وتعالى على الفصائل السياسية المصرية سواء الثورية منها أو التى نشأت من رحم النظام القديم

يبقى أن نذكر أن هناك ما تعدى مرحلة الخطايا إلى مرحلة الجرائم وهو ما يتمثل فى رعاية البطء وإسباغ نوع من الحماية والحصانة الممنوحة من المجلس العسكرى للرئيس السابق وزوجته فالناظر لما يجرى يجد أنه إلى الأن لم يحقق معه ولم يتلق العلاج فى مستشفى السجن كغيره من المصريين كما أن هناك إتجاه عام لإثارة قضايا دون غيرها تمثل فى التركيز على الفساد المالى وإستبعاد تهمة الفساد السياسى والجرائم الجنائية فى تجاهل تام لشهداء الثورة التى روت دماءهم الزكية ميادين مصر وكانت سبباً مباشراً فى جلوس السادة أعضاء المجلس العسكرى على كراسى الحكم فى الفترة التى نظنها إنتقالية ، وأخشى أن أصف ما يجرى بأنه نوع من الولاء المتبقى للقائد الأعلى السابق للمجلس العسكرى ورغبة فى عدم التجاوب مع ما يرونه إنتقاصاً من قدر هذا الرجل الذى فسد وأفسد كل شئ فى مصر حتى كدنا نختنق من كم الفساد الذى كان ولا يزال يحيط بنا من كل جانب وقتل وسفك دماء شعبه وإنتقص من كرامة كل مصرى .. وأرى أن المجلس العسكرى أوصل الثورة إلى مرحلة التوهج مرة أخرى بالطريقة السيئة التى أدار بها أمور البلاد فى المرحلة السابقة وأظن أنه سيكون أمام المجلس خياران لا ثالث لهما .. فإما التجاوب التام والنهائى مع مطالب الثورة دون إبطاء .. أو التواجد مع مبارك وعصابته فى نفس مربع الإتهام وحينها سيكون لمحكمة الثورة .. القول الفصل

(منقول  من مدونه نيران صديقه  لاخى المدون  محمد على)

هااااااااااااااا

لسه برده  بتسئل ؟

لسه برده معترض ؟؟

طيب اقنعنى انت  وانا  هاصدقك 

27-5

انا نازل  ..انت ايه موقفك  ........!؟؟؟؟؟

دى حكايه مع اللومان . يا جبان ..معادنا يوم 27 -5

ذكرياتى فى الثوره

طبعا  ... متوقعين  انى هاقول انى  من الثوار   ومن اللى اعتصمو فى التحرير   واسقطو النظام ......
بس للاسف  انا  مشاركتى  مكنتش  بالقد  ده  بصراحه 
بصو انا هاحكيلم الحدوته  
انا  محامى   يوم 25   قالو مظاهرات   بس انا ولا  فى دماغى بصراحه  
 اشمعنى فكرت بالطريقه  دى  ؟
اصل انا  تابعت اخر انتخابات   وشفت التزوير اللى حصل فيها  واستعجبت
  ازاااااااااااااااااااااااااااااااااااى المصريين ساكتين .....!!!!!!!!!!!!!!!!!
 انا  عن نفسى  طبعا ما عملتش حاجه  
ههههههههههههههه
حصل اللى حصل فى تونس  وانا مكنتش متابعه قوى  يعنى باخود فكره  وخلاص زيه زى اى  خب اسمع  من الناس  واجع  ادور على الخبر  فى النت  لو الخبر كان مثير  واجبرنى انه اشوف تفاصيل اكتر عنه
اصلى بصراحه  قرفت  من  مجرد انى اسمع نشره اخبار  او حتى اقرا جرنال
ما علينا 
المهم بينى وبين نفسى  قلت يعنى احنا ما اتحركناش فى التزوير الىى حصل فى انتخابات  مجلس الشعب  يبقى  هنتحرك عشان  التوانسه خلعو بن على  
قلت  ده يبقى احنا تافهين  كده ومجرد بس ان احنا بنقلد 
هنبقى عاملين  زى اللى  اضرب على قفاه   واتعجن علقه حلوه   وسكت  
وقلب الدنيا  عشان  واحد قله يا حمار
قال يعنى العلقه  والقفا اللى كله ما اثروش فيه   انما الدم نط فى عروقه لما  قالولو يا حمار
كده  كده انا قلت مفيش فايده  
عدى يوم 25  وانا غير  مهتم  غير  باللى حصل فى اول اليوم  واللى حصل فى اخره 
 اول اليوم  شوارع فاضيه  .... اخر اليوم  علقه  حلوه  من الامن   عبر البث المباشر فى الجزيره  
بس واضح ان كره  مخبى حاجه  ..ايه هيا  انا مش عارف
ما علينا  قلت  زى الفل  بكره بقى  ميدان التحرير هايبقى حفله   .. على اساس  ان الناس  واللى انا طبعا  منهم هنكون  خدنا  جرعه  جراءه من حصل  امس
وكانت المفاجئه  .....
ولا حصل  حاجه  ..اعدى على التحرير  تقولش  المصريين  هاجرو برا مصر 
 بس الواضح ان  نقطه الاشتباك التانيه بين  الامن  والشعب  انتقلت  بعيد عن الميدان شويه  
هو مش شويه   قول  كام ميت كيلو  كده  
-السويس-
ارض البساله  ... شعب البطوله
السوايسه .. وما ادراك ما السوايسه 
طبعا الصوره ضبابيه  من  تلفزيونا  المصرى  العظيم   ... جايبين الخبر  على اساس  انه  مثلا  مشكله عاديه  فى مدينه السويس مش البلد بتولع هناك
بصراحه مكلفتش نفسى حتى مجرد انى ابص فى الجزيره اشوف فى ايه
اصلى بعيد عنكم انا  سلبى  اوفر  السنين
ههههههههههههههههههه
المهم 
شغلى كان واخدنى جدا فى الفتره  دى وكنت مشغول بقضيه فى ايدى مهمه بالنسبه ليا
يوم 27 
القاهره عادى بردو على فكره 

اى نعم الامن  منظره غريب  شويه  تحس كده انهم مكهربين ليه  مش فاهم 
ما علينا  
جه يوم 28 
صحيت فى اليوم ده متاخر  حتى ما صلتش الجمعه  لانى كنت سهران باشتغل ونمت متاخر
صحيت على العصريه  كده
الشوارع فاضيه 
 تحس ان القاهره رجعت 100 سنه لورا  
بتفكرنى بصور القاهره  من 100 سنه 
لو تفتكرو الافلام القديمه  دايما تلاحظو الشوارع فاضيه ومفيش ناس كتير  والعربيات فى الشوارع تتعد على الصوابع 
مصر يوم 28  مكنش فيها عربيات اصلاالمهم كنت نازل اجيب سجاير وشفت كده  دردشت  مع بتاع الكشك رسانى على الليله 
قلى دى جمعه الغضب 
قلتله يا راجل
قالى ايوه  
 قلت بمعنى ايه يعنى اصلى اول مره اسمع  ان يوم الجمعه ليه اسم غير انه يوم الجمعه  وبس  .ايه بقى اللى خلاها يغضب 
المهم قعدت اهزر معاه وفهمت ان الناس خارجه مظاهرات  من بعد الصلاه ة 
البلد بتغلى 
قلت اشطه  والله وجت فصتك يا واد يا استاذ ego 
لما انزل بقى افك عن نفسى شويه نفسى اعيش فى دور  المعترض 
بينى وبينكم من قبلها بكتير حتى من قبل الانتخابات  الاخيره وانا قرفان من الحاله اللى البلد وصلت ليها 
لا وقال ايه  المعلم جيمى  وكدابين الزفه   بيقولو انت رئيس مصر القادم 
طيب باماره ايه 
عصر السيد الوالد المزدهر  .. اها  ده ليه انجازات فى مجال  سرطنه المصريين 
خد جايزه هبل  فى  اعياء المصريين 
بس برضه مش ده السبب  اللى يخليه  يبقى رئيس للبدل  ... اصلها لا ملكيه ولا عذبه بابى 
بس الشهاده لله  الراجل  خد خطوات ايجابيه كبيره جدا  
 نزل فى رمضان وساوم الغلابه على  شنطه رمضان اللى بيوزعها  فى مقابل انهم يعملولو  تفويض فى ترشيح نفسه للرئاسه 
يا ابن الايه يا جنانا بينى وبين نفسى قلت اخر العيله دى  معايا ابوه وبس  وعلى حثتى ان جمال يمسكها  . وفى نفس  عملت حساب للواقع  اللى حوليا  انه  ممكن يدوس  على كلامى  والاقيه برضه مسها (اللى هيا مصر يعنى ) هههههههههه
ساعتها هابقى صغير قوى قدام نفسى .فخدت قرار انه لو مسكها انا هاسيب البلد واهاجر
 جه يوم 28  قلت يا مسهل  اسبق انا جمال   واقطع على فكره التوريث  واهو ايد على ايد تساعد برضه  الزحمه فى الحاجات دى بتبقى  دفى وونس
قمت رايح  ناحيه الكورنيس  وخدت اول مظاهره  عدت قدام منى 
 ناس كتير  اول  مره  اشوفهم . اول  مره يشفونى
شباب  لابسين  هدوم شيك ..شكلهم محترم ..صوتهم واحد ..هتافهم واحد ..شعارتهم  بتعبر  عن سلميتها  وانها حقهم 
اااااااااااااااااااااااااااااااااااااااااه .................ااااااااااااااااااااااااااااااااااااااه  
نظام فيلم النوم والعسل بتاع عادل امام 
بس الغريبه انى لما سمعتها منهم  وجعتنى قوى غير الفيلم خالص
افتكرت اغنيه حكيم 
ااااه نقولها بتوجعنا ....... وااااه نقولها وليها معنى
قلت على البركه انا جاى معاكم يا ولاد
باحساسى كده قلت اليوم ده شكله هايبقى عنبوهايغير حاجات كتير فى مصر
لقيت نفسى بقيت ولا ارنولد شوارزنجر فى فيلم تيرمنتيتور ..قوه وعفيه وصحه  وزى ما انتو عاوزين تقولو قولو
مشينا  وعمالين نعدى  على البيوت  .. نهتف ونقول  
يا اهلينا انضمو لينا 
 حسيت فى الوقت ده يعنى ايه انا مصرى 
دى طلعت نعمه وانا مش واخد بالى 
كنت بحس انى مصرى فى ماتشات الكوره وبس  بتاعه المنتخب قبل كده 
غير كده ولا الدول
ههههههههههههههههههههههه 
لقيتنا بنكتر  شباب  جميل  فعلا ثروه مصر  بانت فى اليوم ده بالنسبه ليا شباب  زى الورد نعمه من ربنا على بلدنا 
ناس محترمه 
ولاد بنات صغيرين كبار 
كله ماشى مطمن 
مفيش عسكرى ولا امين شرطه ولا ضابط 
بس الدنيا امان قوى  ..امان محسنهوش قبل كده
سحان الله ..تقولش الداخليه كانو هم المجرمين  ومطلوقين فى الشوارع
هههههههههههههههههههههه
وفضلنا نقول 
حريه ...... ديموقراطيه  .... عداله اجتماعيه 
ونقول  برده
 مش هنخاف .. مش هنطاطى .. احنا كرهنا ..الصوت الواطى ( طبعا  حقوق طبع  الهتاف ده  اتغيرت فى 9 مارس  وبقت  مش هنخاف  .. مش هنطاطى :... احنا خدنا  ... على المطاطى ) والله احنا شعب  مسخره ههههههههههههههههه
بنسخر من ااااالامناااااااااااااا مهما كان الظرف  والزمان والمكا
هاااااااااااااااااااا
 رنا سهل ووصلنا  عند القصر العينى 
 سمعت صووووووووووووووووت  غريب  على شوارع مصر 
 حاجه على نظام  .. لما حد يسئل حد  
 ايه الصوت ده ...!!! --- فيرد عليه التانيه بهدوء غريب  .. لا  دى حرب فى الشارع اللى وراناااااا....!!!!!
ده كان انطباعى عن المشهد وقتها 
ناس بتصلى فى اول شارع  القصر العينى  من ناحيه  المستشفى  وبعدين يقوم مخلص  ولابس الكمامه  بتاعه العمليات  ويقوم داخل فى شارع القصر العينى 
اتشعبطت على عمود نور اشوف ايه اللى بيحصل فى الشارع .. ما انا مش شايف  من الناس الكتير اللى حوليا 
صدمت  .. حسيت  انى على الجبه فى حرب اكتور وانا مش واخد بالى  . او فى الحرب الاهليه فى لبنان  بس فى قلب شوارع القاهره 
اطراف الحرب  الشعب المصرى من طرف  والامن المصرى من طرف اخر
كنت مذهول
راحت السكره وجات الفكره  .. وفقت لنفسى بسرعه
هوب قمت داخل  فى المعركه  المواطن المصرى  مسلحا  بالطوب  وصناديق القمامه  من طرف  VSالامن  المصرى  بجميع وحداته الشرطيه  والشبه عسكريه  مسلحا  باحدث تشكيله من قنابل الغاز المسيل للدموع بعيده المدى  متعدده الاعيره والمقاسات  وبنادق الخرطوش   قريبه ومتوسطه المدى 
قلت ايه الحلاوه  دى  
على طول بدون تفكير قمت  لاقطلى كام  دبشه  واسترجعت ايام الثانويه العامه  لما  كنا بنحدف الوجبه المدرسيه على الناظر فى الابراهيميه فى الفسحه  عشان  عذبنا فى طابور الصباح .. كنت انا احترافى فى  زقل البرتقان بعيد المدى ههههههههه
فى الاول انا مكنتش شايف الامن  بس سامع  ضرب نار  مرعب  وقنابل  تنزل فى وسطنا  مخليانا لا شايفين  ولا عارفين نتنفس
وولاد الايه  كان حظهم حلو  كان الهواء معاهم . فيضربو القنبله  واحنا نشمها حتى النفس الاخير 
اهاااااااااااا
 بس انا كده فهمت  . ليه الناس لابسه  كمامه  بتاعه الدكاتره 
قمت  انسحبت  عشان  كنت بموت  مش عارف اتنفس  من الريحه  ووشى خلاص  بيتقطع مش عارف ليه
خدت نفسى  .. وسئلت على الصيدليه  فين اقرب واحده
وصفوولى  رحت  لقيتها قافله  واصفولى تانى واحده بعيده  ..رحتها
AN AN AAAAAAAAAAAAAAAAAN
قلتله عندك كمامه  ..قالى عاوز كام  
قلته  خمسه  
لبست  وحده  فى وشى على طول  
وجريت تانى جرى على شارع القصر العينى ...قلبى بيرقص من الفرحه  
وناقص اغنى  اغنيه ثومه  
اليوم  اصبح عندى كمامه ههههههههههههه
وعليها بقى يا معلم  
حرب شوارع  ما لايقل عن 6 ساعات 
شفت مصر فيها 
شفت الظلم 
شفت الغدر
شفت الحق 
شفت الباطل
شفت الرجوله
شفت الجبن
شفت مصريين 
عرفت يعنى ايه مصريين 
شفت مبارك على حقيقته هو ونظامه .. قد ايه على واستكبر فى الارض
شفت ناس  اتصابت  برصاص فى وشها ورجلها عباره عن بلى كبير وصغير
شفت فوارغ   قنابل  مكتوب عليها  MADE IN U.S.A
شفت مثابره  ورجوله وشجاعه  وبطوله 
شفت عربيه دبلوماسيه بتدوس  على شباب مصريين  زى الورد  كانها بتدوس  على النجيله
شفت ان شارع القصر العينى اللى مليان  وزرارت  ومحلات  وسفارات ومسارح مفيش حاجه فيها التمست او اتخربشت حتى 
شفت ان المصريين لما حبو  يدمرو شىء  كان  حاجه من اتنين بس 
اى شىء تابعه للشرطه  
او  اى مقر للحزب الوطنى
شفت تقريبا اكتر  من  40  شاب  من شبابنا اللى زى الورد  يدهسو تحت عجلات  سياره  دبلوماسيه امريكيه  تحت مرئ ومسمع من الامن المصرى
وكان هذا الفيديو   الجميل اللى بهديه لاحلى شباب  شفتهم  وعرفتهم  وشرفنى انى  امشى  جنبهم  ولو لمده دقيقه واحده بس
وللحديث بقيه